SuperDizionari

tornâ indaûr loc.v.

Lâ ta chel stes puest dulà che si jere o inviâsi de bande di dulà che si jere rivâts

sinonims

lâ indaûr

esemplis

"e jere tant lontane di cjase che no jere plui buine di tornâ indaûr"

gjavât fûr di "Fûr di timp" di Jolanda Mazzon

"al fâs doi pas viers la puarte, po al torne indaûr, ducj i moviments de sô persone a fasin viodi il scombati des ideis te sô anime"

gjavât fûr di "Gnot di Nadâl" di Pieri Somede dai Marcs

tornâ indaûr loc.v.

Lâ tal timp passât, lâ indaûr tal timp

sinonims

lâ indaûr

esemplis

"nol zove nue iludisi; ce che al è fat l'è fat, e no si torne indaûr plui"

gjavât fûr di "La sbigule - Une gnot tun broili" di Giovanni Gortani

""Alore si varès podût dismenteâ la nestre disgrazie; e il nestri Toni, tornât frut, al sarès vignût sù un pôc a la volte, frutat, zovenot, om; al sarès stât come se invezi di murî, al fos tornât indaûr cui agns…""

gjavât fûr di "Ninenane" di Bruno Paolo Pellarini

tornâ indaûr loc.v.

Contâ o descrivi robis che inte narazion o inte logjiche a vegnin prime dal pont dulà che si è rivâts

sinonims

lâ indaûr, lâ un pas indaûr

esemplis

"m prin di lâ indenant, torni indaûr, / che ai bisugne di fâus une avertence, / fin ca par distrazion lassade fûr"

gjavât fûr di "Lis gloriis di Tambûr" di Pieri Çorut

tornâ indaûr loc.v.

Vê une involuzion

esemplis

""[...] sclops di bombis a volaressin e di ogni sorte…" "No, no Bastian, al sarès piês, vuê no si po fevelâ cussì, o saressin cuintri di nô, cuintri la umanitât, si riscjarès di tornâ indaûr""

gjavât fûr di "Un pugn di moscjis" di Pieri Somede dai Marcs

"il probleme che o vevi denant al jere chel di dâ une prospetive di continuitât e di espansion progressive e sistematiche a ce che o vevin inviât, che nol ves di lâ indenant a sangloç o tornâ indaûr"

gjavât fûr di "Memoriis di politiche linguistiche" di Adrian Cescje

tornâ indaûr loc.v.

Soredut di document, domande, pratiche burocratiche e v.i., jessi refudât

esemplis

"Enea nol podeve mai partî pal Venezuela par vie che lis cjartis i jerin tornadis indaûr uns cuatri voltis"

gjavât fûr di "Amîs come prime" di Alan Brusini

tornâ indaûr loc.v.

Cambiâ di idee

esemplis

"si rindeve cont che zaromai Firmato nol sarès tornât indaûr de sô decision"

gjavât fûr di "Îr e doman" di Gianni Gregoricchio

"[la glesie] e à di vê il coragjo di riscjâ, ancje a cost di sbaliâ, ancje a cost di tornâ indaûr"

gjavât fûr di "La Glesie e à di lassâ i popui come che a son e fâur di levan seont la lôr paste" di Francesc Placerean

tornâ indaûr loc.v.

Tornâ alc che si à cjapât o che si à vût a cui che lu à dât

sinonims

dâ indaûr, tornâ

esemplis

""Jo o vuei che al mi torni indaûr ce che al mi a robât: la pâs, la serenitât, l'onôr, e stant che nol podarà mai fâlu, alore o pretint i siei bêçs""

gjavât fûr di "La foghere" di Luciano Rocco

"si contentà di une mê ricevude, là che jo mi impegnavi a tornâi indaûr i bêçs che mi veve dât"

gjavât fûr di "Friûl e furlans te Histoire de ma vie di Giacomo Casanova" di Pierluigi Visintin

monolengâl